Տոներ - Www.Armblogger.Do.Am

Սիրելի Կանայք և Աղջիներ .Շնորհավոր Մարտի 8-ը

Armblogger.Do.Am, 08.03.2013 | Այսօր մարտի 8-ն՝ կանանց միջազգային օրը։ Անգնահատելի է կնոջ դերը երկրի շենացման ու առաջընթացի գործում։ Կինն իր անձնվիրության, սիրո ու տոկունության շնորհիվ միշտ պահպանել է ընտանիքը՝ տալով լավագույնն իր սիրելիներին։

Ահա տոնի պատմությունը. 1857թ. մարտի 8-ին Նյու-Յորքի տեքստիլ գործարանի կին աշխատողներն իրենց իրավունքների պաշտպանության համար որոշեցին քայլերթով անցնել քաղաքի փողոցներով: Պատճառը ցածր աշխատավարձն ու աշխատանքի անբավարար պայմաններն էին. նրանք բողոքում էին 16-ժամյա աշխատանքի դեմ:

Այս դեպքի մասին հիշեցին նաև 1910թ–ին՝ Կոպենհագենում կայացած Աշխատավոր կանանց միջազգային կոնֆերանսի ժամանակ: Գերմանիայի կոմունիստական կուսակցության հիմնադիր, կանանց իրավունքների համար պայքարող ակտիվիստ Կլարա Ցետկինի առաջարկությամբ կոնֆերանսը որոշեց մարտի 8-ը հայտարարել Կանանց միջազգային օր:

Առաջին անգամ՝ 1911թ-ին, կանանց միջազգային օրը նշվեց Ավստրիայում, Գերմանիայում, Դանիայում և Շվեյցարիայում, իսկ Ռուսաստանում այն առաջին անգամ նշվեց 1914թ: Այժմ մարտի 8-ից ապրիլի 7-ը մեր երկրում ոչ պաշտոնապես համարվում է կանանց մեկամսյակ, այնպես որ, մենք ունենք մի ամբողջ ամիս մեր մայրիկներին, տատիկներին ու քույրիկներին շնորհավորելու և ուրախացնելու համար:

Հայաստանի անկախության հռչակումից հետո` 1996թ-ին, մարտի 8-ը դուրս եկավ երկրի պետական տոնացույցից, փոխարենը ապրիլի 7-ը հռչակվեց Մայրության ու գեղեցկության օր: Սակայն 2001թ. ընդունվեց տոների և հիշատակի օրերի մասին նոր օրենք, ըստ որի՝ մարտի 8-ը կրկին վերականգնվեց պետական տոնացույցում:

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 08.03.2013 | Մեկնաբանություններ (0)

Այսօր Հովհաննես Թումանյանի ծննդյան օրն է

Այսօր ամենայն հայոց բանաստեղծի՝ Հովհաննես Թումանյանի ծննդյան օրն է: Նա ծնվել է 1869թ. փետրվարի 19-ին Դսեղում:

Եվ կարծում եմ այսօր տեղին է ևս մեկ անգամ հիշել նրա հրաշք բանաստեղծություններից մեկը.

ԻՄ ՍԵՐԸ

Ես սիրել եմ վարդը տըժգույն

Սիրուց տանջված այտերի,

Մելամաղձոտ խաղաղություն

Զույգ սևորակ աչքերի։

Ես պահել եմ սրտիս խորքում

Մի լուռ գաղտնիք սիրային,

Եվ այն երբե՜ք, ոչ մի երգում

Հայտնելու չեմ աշխարհին։

Բայց և պահել անկարող եմ,

Օ՜, դրժվար է համբերել,

Չասել՝ ինչով բախտավոր եմ,

Չասել՝ ինչպե՜ս եմ սիրել։

Հղումը՝ Արխանգելո

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 19.02.2013 | Մեկնաբանություններ (0)

Այսօր Սիրո տոնն է` Սուրբ Վալենտինը

Տարվա ամենասպասվող տոներից մեկը` Սուրբ Վալենտինի օրը, սկսել են նշել Եվրոպայում XIII դարից։ Շուտով այն տարածվեց գրեթե ողջ աշխարհում։ Բայց երբևէ մտածել եք, թե ինչու՞ է հենց փետրվարի 14-ը ընտրվել որպես սիրահարների օր։ Պատմությունը հետևյալն է…III դարում Հռոմեական կայսրության Թերնի քաղաքում ապրել է Վալենտին անունով մի հոգևորական, ով իր գործունեությունը ծավալել է միայն եկեղեցու շրջանակում` զբաղվելով գիտական ուսումնասիրություններով և բժշկությամբ։ Այդ ժամանակ Կլավդիոս II կայսրը արշավում էր քրիստոնյաների դեմ։ Նա իր զինվորներին թույլ չէր տալիս ամուսնանալ։ Իսկ Վալենտինը գաղտնի օգնում էր այդ զինվորներին և ամուսնացնում նրանց իրենց սիրեցյալների հետ։ Մի անգամ նրա մոտ են բերում հռոմեացի բանտատիրոջ աղջկան: Աղջիկը կույր էր, և Վալենտինը հրաշքով բուժում է նրան: Դրանից հետո,իմանալով նրա կազմակերպած գաղտնի ամուսնությունների մասին, նրան բանտարկում են: Վալենտինի խնդրանքով բանտապետը թուղթ ու գրիչ է տալիս մահապատժի դատապարտված հոգևորականին, և նա երկտող է գրում կույր աղջկան, ում արդեն վաղուց սիրում էր, իսկ ներքևում ստորագրում է. «Քո Վալենտին»: Նույն օրը`269թ. փետրվարի 14-ին, Վալենտինին մահապատժի են ենթարկում: Սակայն այդ օրը նաև համընկնում էր սիրո աստվածուհու` Յունոնայի պատվին կատարվող տոնակատարության հետ։ Այդ օրվանից ամեն տարի հիշում են սուրբ Վալենտինին և բոլոր սիրահարների համար տոնախմբություն անցկացնում։ Ճիշտ է՞ Հայաստանում սիրահարների հովանավորը Սուրբ Սարգիսն է, և այդ տոնը որևէ կապ չունի Սուրբ Վալենտինի օրվա հետ, բայց չի խանգարի մեկ այլ սիրո տոնի պատմությունն իմանալը։

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 14.02.2013 | Մեկնաբանություններ (0)

Շնորհավոր տոնդ, հայոց բանակի զինվոր

Շնորհավոր տոնդ, հայոց բանակի զինվոր։ Այսօր Հայկական ԶՈՒ-ի 21-րդ տարեդարձն է։ Մեծ պատասխանատվությամբ ու քաջ գիտակցությամբ այսօր արդեն կարելի է հպարտ ասել, որ ունենք միշազգային չափանիշներին համապատասխան բանակ, որը ամենամրցունակն է տարածաշրջանում, կարող ենք հպարտորեն ասել, որ թեև Հայաստանը զինադադարի շրջան է ապրում եւ բավականին դժվար է անառիկ պահել սեփական տարածքները, այդուամենայնիվ մեր զինվորները կարողանում են անել յուրաքանչյուր հնարավորն ու անհնարինը՝ թշնամուն արժանի հակահարաված տալու համար։ Ու այդ գործում մեծ է Հայաստանի իշխանության դերակատարումը։ Նրանց հետևողական աշխատանքի արդունքում այսօր, բարեբախտաբար, հայ զինվորները չունեն ոչնչի կարիք: Մենք մեր հզոր պատմությամբ, պատասխանատու ներկայով ու հուսալի ապագայով թշնամուն ամեն օր ապացուցում ենք, որ իր նախկին պլաններն այսուհետ ժամկետնանց են, և մենք ունենք այնպիսի հզոր բանակ ու զինվոր, որը երբեք չի թողնի, որ թշնամու ոտքը մտնի մեր տարածք։Շնորհավոր տոնդ, հայոց բանակի զինվոր։

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 28.01.2013 | Մեկնաբանություններ (1)

Սիրո հովանավոր Սուրբ Սարգսի տոն. պատրաստում և նկարում ենք սրտիկներ (Տեսանյութ)

Այսօր, հունվարի 26-ին սիրո հովանավոր Սուրբ Սարգսի տոնն է, ժողովրդի լեզվով ասած, հայկական սիրո տոնը: Իսկ մի քանի օր հետո փետրվարի 14-ին կնշվի Վալենտինի օրը՝ ևս մեկ սիրո տոն: Եվ այդ տոներին ընդառաջ Ձեզ եմ ուզում ներկայացնել մի քանի տեսանյութեր, թե ինչպես պատրաստել և նկարել սրտիկներ: Չէ՞ որ այդ օրերին սիրահարները սիրում են միմյանց բացի իսկական սրտից, նաև տարբեր տեսակի հուշանվեր-սրտիկներ նվիրել: Եվ այսպես մեր իսկ ձեռքերով պատրաստում ենք սրտիկներ.

Եվ այսպես մեր իսկ ձեռքերով պատրաստում ենք սրտիկներ

Իսկ հիմա սովորենք թե ինչպես կարելի է նկարել գեղեցիկ սրտիկներ.

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 26.01.2013 | Մեկնաբանություններ (0)

Իմ Ամանորյա շնորհավորանքը Ձեզ

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 31.12.2012 | Մեկնաբանություններ (2)

Այսօր Կոռուպցիայի դեմ պայքարի միջազգային օրն է

ՄԱԿ-ի նախաձեռնությամբ յուրաքանչյուր տարի դեկտեմբերի 9-ը նշվում է որպես Կոռուպցիայի դեմ պայքարի միջազգային օր (International Day Against Corruption), հայտնում է Корреспондент-ը։

2003թ. դեկտեմբերի 9-ին Մեքսիկայի Մերիդա քաղաքում բացվում է քաղաքական գիտաժողով ՄԱԿ-ի՝ կոռուպցիայի դեմ համաձայնագիրը ստորագրելու համար (ընդունված ՄԱԿ-ի Գլխավոր ասամբլեայի կողմից 2003թ. հոկտեմբերի 31-ին)։

Այդ միջազգային պայմանագիրը նախատեսում է կոռուպցիան կանխարգելելու, մեղավորների պատժելու միջոցառումներ, ինչպես նաև դրա դեմ պայքարի միջազգային համագործակցության մեխանիզմներ։Աշխարհի շատ երկրներում դեկտեմբերի 9-ին անցկացվում են ցույցեր, գիտաժողովներ, սեմինարներ և այլ միջացառումներ՝ նվիրված Կոռուպցիայի դեմ պայքարի օրվան։

2012թ. Կոռուպցիայի դեմ պայքարի միջազգային օրվա թեման է՝ «Կոռուպցիա։ Քո «Ոչ»-ն ունի նշանակություն» (Corruption. Your 'No' Counts)։

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 09.12.2012 | Մեկնաբանություններ (0)

Այսօր ձմռան առաջին օրն է

Այսօր դեկտեմբերի 1-ն է` ձմռան առաջին օրը...Անհավատալի է, թե ինչպիսի արագությամբ է հոսում ժամանակը... Երբ դեռ փոքր էինք, մեզ թվում էր, որ այն անվերջ է և շատ դանդաղ է անցնում... Կյանքը թվում էր այնքա՜ն երկար, անսահման, որ ցանկանում էինք առաջ տալ այն՝ երազելով ավելի շուտ մեծանալ՝ դառնալ ինքնուրույն, ազատ, որպեսզի մեզ ոչ ոք ոչնչից չզրկեր, կարողանայինք անել այն, ինչ ուզում ենք...Օդում արդեն զգացվում է եղևնու, մանդարինի և երջանկության թարմ բույրը, ինչպես նաև մոտեցող ձմռան սառը շունչը...Տարին ավարտվում է և բոլորս սրտի թրթիռով, որևէ լավ բանի ակնկալիքով անհամբեր սպասում ենք Նոր տարվան, սպասում ենք հրաշքի. չէ՞ որ Ամանորն իր մեջ ինչ-որ կախարդական ուժ ունի...Թվում է՝ Նոր Տարին իր հետ նոր կյանք է բերելու՝ ավելի լավը, ավելի հաջող...մնացել է ընդամենը մեկ ամիս և այս վերջին ամիսը սպասումով լի ամիսն է, որն ավելի դանդաղ է անցնում, բայց, այնուամենայնիվ, այս մեկ ամիսն էլ կանցնի այնքան շուտ, ինչպես մեր կյանքի մյուս բոլոր ամիսները :

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 01.12.2012 | Մեկնաբանություններ (0)

Windows-ի առաջին տարբերակն արդեն 27 տարեկան է

27 տարի առաջ՝ 1985 թվականի նոյեմբերի 20-ին, Microsoft ընկերությունը թողարկել է Windows-ի առաջին տարբերակը, համակարգ, որը դարձավ աշխարհի ամենահայտնի ծրագրային պլատֆորմը անհատական համակարգիչների համար:

Ֆորմալ առումով Windows 1.0-ն օպերացիոն համակարգ չէր, այլ MS-DOS-ից թողարկվող գրաֆիկական թաղանթ: Նման իրավիճակը պահպանվել է մինչեւ Windows 95-ի թողարկումը 1995 թվականին:

Microsoft-ը շարունակել է Windows 1.0-ի աջակցությունը մինչեւ 2001 թվականի վերջը, այսինքն 16 տարի, որն ավելի երկար է, քան պլատֆորմի ցանկացած այլ տարբերակի դեպքում:

Windows-ի օպերացիոն համակարգի վերջին տարբերակի՝ Windows 8-ի թողարկումն սկսվել է մեկ ամիս առաջ:

Gartner վերլուծական ընկերության տվյալներով, 2012 թվականի վերջին աշխարհում Windows-ով աշխատող սարքերի թիվը կկազմի 1,5 մլրդ:

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 20.11.2012 | Մեկնաբանություններ (0)

Այսօր Երեխաների միջազգային օրն է

ՄԱԿ-ի Գլխավոր ասամբլեան 1954թ. բոլոր երկրներին խորհուրդ է տվել նշել Երեխաների միջազգային օրը (Universal Children's Day), որը նվիրված կլինի ամբողջ աշխարհում երեխաների բարեկեցության ապահովմանն ուղղված գործունեությանը, հայտնում է calend.ru-ն։

ՄԱԿ-ն առաջարկել է երկրներին այդ օրը նշել ցանկացած օր, որը նրանք նպատակահարմար կգտնեն։ 1959թ. նոյեմբերի 20-ին ԳԱ-ն ընդունեց երեխաների իրավունքների հռչակագիրը, իսկ 1989թ.-ի նույն օրը՝ երեխաների իրավունքների կոնվենցիան։

Տարեկան 11 մլն երեխա մահանում է՝ չապրելով մինչև 5 տարեկան։ Տասնյակ միլիոնավոր երեխաներ ֆիզիկապես կամ մտավոր հիվանդ են՝ չունենալով մեծանալու և զարգանալու հնարավորություն։ Այդ մահերի մեծամասնությունն առաջանում են հեշտությամբ կանխարգելվող կամ հեշտ բուժվող հիվանդությունների, մյուսները՝ աղքատության, խտրականության և բռնության կործանարար հետևանքների պատճառով։

Դուր է գալիս՞, փոխանցիր ընկերներիդ`

Բաժին | Տոներ | Ամսաթիվ: 20.11.2012 | Մեկնաբանություններ (0)