Տեղ.Տեխնոլոգիաներ - Www.Armblogger.Do.Am

Google Now-ն ճանապարհորդողների համար առավել հարմար է դարձել

Android սմարթֆոնների անձնական օգնական Google Now-ում հայտնվել են մի քանի նոր գործառույթներ, որոնք կարող են օգտակար լինել ճանապարհորդողների համար, հայտնում է Вести-ն։

Օրինակ՝ նախքան օգտատերը տանից դուրս կգա, ծրագիրը հուշում է, թե ինչպիսի եղանակ է սպասվում նախատեսված վայրում։Google Now-ն կարող է նաև ավտոմատ կերպով «հանել» Gmail էլեկտրոնային փոստից տոմսը, երբ օգտատերը ժամանում է օդանավակայան։ Իհարկե, այս գործառույթն աշխատում է դեռևս միայն ԱՄՆ-ի խոշորագույն United Airlines ավիաընկերության հետ։ Շուտով կավելանա նաև այլ ավիափոխադրողների աջակցությունը, ասվում է Google-ի բլոգում։

Երբ օգտատերը ժամանում է անհրաժեշտ վայրը, Google Now-ն տալիս է տեղեկատվություն նրան մոտ գտնվող օբյեկտների (օրինակ՝ թանգարանային նմուշների) վերաբերյալ։

Բացի այդ, ավելի «խելացի» է դարձել ձայնային որոնումը, որի միջոցով կարելի է իմանալ, թե ինչ երգ է հնչում մոտակայքում, ինչպես նաև ձայնի միջոցով գրառումներ կատարել Google+ սոցիալական կայքում։

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 06.12.2012 | Մեկնաբանություններ (0)

Մեծ Բրիտանիայում կվաճառվի ոսկե iPhone 5

Մեծ Բրիտանիայում ստեղծել են iPhone 5-ի մոդել, որը պատրաստված է մաքուր ոսկուց և զարդարված է Swarovski բյուրեղներով: Այսպիսի հեռախոսի գինը կազմում է 5.800 դոլար, տեղեկացնում է Корреспондент.net կայքը:

Յուրօրինակ iPhone-ի ստեղծման համար աշխատել են հայտնի ապրանքանիշ Amosu Couture-ի աշխատակիցները, ովքեր մասնագիտացած են ժամանակակից էլեկտրոնային սարքերի յուրօրինակ մոդելներ ստեղծելու մեջ:

Diamond Intelligence –ը տեղեկացում է, որ կազմակերպությունը Gold Swarovski iPhone 5 մոդելը ստեղծելու համար օգտագործել է բարձր նմուշի ոսկի` 24K, ինչպես նաև հեռախոսը զարդարվել է Swarovski 600 բյուրեղներով:

Amosu Couture-ը հայտարարել է, որ iPhone–ի օգտատերերին իրենց իսկ հեռախոսների համար նմանօրինակ լուծում է առաջարկում 4.170 դոլարի դիմաց:

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 06.12.2012 | Մեկնաբանություններ (0)

Skype-ը նոր հնարավորություններ է առաջարկում iPhone-ի եւ iPad-ի համար

kype –ի հեղինակները iPhone-ի եւ iPad-ի համար Skype-ի հավելվածների նոր տարբերակ են առաջարկում: Այն մի շարք ֆունկցիաներ ունի, որոնց վաղուց էին սպասում iPhone եւ iPad օգտագործողները, տեղեկացնում է Ferra.ru-ն:

Հիմա հնարավոր է ստեղծել Skype-ի հաշվառման ձայնագրությունը սմարթֆոնի կամ պլանշետի վրա տեղադրված հավելվածի միջոցով: Բացի այդ, հնարավոր կլինի մուտք գործել Skype` օգտագործելով Microsoft-ի հաշվառման ձայնագրությունը: Հավելվածի թողարկումից անմիջապես հետո կառաջարկվի Skype-ի կոնտակներով համալրել եւ միավորել Windows Live Messenger եւ Outlook.com հասցեների գրքերը: Դրանից հետո մի քանի լոգիններ եւ գաղտնաբառեր օգտագործելու անհրաժեշտություն չի առաջանա, եւ բոլոր կոնտակները հասնելի կլինեն Skype-ում:

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 02.12.2012 | Մեկնաբանություններ (0)

iPhone 5-ը առանց պայմանագրի արժե 649-849 դոլար

Apple ընկերությունը սկսել է iPhone 5-ի վաճառքն առանց օպերատորների հետ պայմանագրերի, հաղորդում է AppleInsider-ը:

Առանց պայմանագրի` սմարթֆոնը հնարավոր է օգտագործել ցանկացած բջջային օպերատորի SIM քարտով:

iPhone 5-ը առանց պայմանագրի արժե 649-849 դոլար՝ կախված ներքին հիշողության ծավալից: Apple-ն առաջարկում է 16, 32 ու 64 GB հիշողությամբ սմարթֆոններ:

Ընկերությունն իր կայքում հաղորդում է, որ մեկ մարդ կարող է գնել 2-ից ոչ ավելի սմարթֆոններ:

Ամերիկյան 3 օպերատորների` AT&T-ի, Sprint-ի կամ Verizon-ի պայմանագրով ԱՄՆ-ում Սմարթֆոնն արժե 199 դոլարից սկսած:

Apple-ը iPhone 5-ը ներկայացրել է նոյեմբերի 12-ին:

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 01.12.2012 | Մեկնաբանություններ (0)

Sony-ն հետևում է Vertu-ի քայլերին՝ թողարկելով ոսկեպատ Xperia P սմարթֆոնը (Photo)

Ճապոնական Sony ընկերությունը որոշել է հետևել Vertu-ի քայլերին և առաջին անգամ թողարկել սեփական Xperia P սմարթֆոնը, որի կաղապարն ամբողջովին պատրաստված է ոսկուց, գրում է LuxPlanet-ը։

Ընդհանուր առմամբ նորույթի միակ առավելությունը հենց 24 կարատանոց ոսկուց պատրաստված կաղապարն է, իսկ մնացած հարցերում այն այն ոչնչով չի տարբերվում իր նախորդ մոդելից։

Հեռախոսը «զինված է» 4 դյումանոց սենսորային էկրանով, SoC NovaThor U8500 երկմիջուկ պրոցեսորով և գործում է Android օպերացիոն համակարգի հիման վրա։ Լյուքս դասի գնորդների համար ստեղծված հետախոսը կարտադրվի բավական սահմանափակ քանակով՝ ընդամենը 15 հատ։

Ներկայում Sony-ի ներկայացուցիչները հրաժարվում են տեղեկություններ հրապարակել ոսկեպատ Xperia P-ի գնի վերաբերյալ, սակայն խոստանում են բացել բոլոր խաղաքարտերը մինչ շաբաթվա ավարտը՝ Twitter-ի էջում։

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 27.11.2012 | Մեկնաբանություններ (0)

Apple-ը գնել է Color բջջային սոցկայքը

Ամերիկյան Apple կորպորացիան գնել է Color Labs ընկերությունը, որը ստեղծել է Color բջջային սոցկայքը։ Գործարքի մասին հայտնի է դարձել ընկերության համահիմնադիրների միջև դատական քաշքշուկների ժամանակ, հայտնում է Лента-ն՝ վկայակոչելով TechCrunch-ին։

Color Labs-ի հիմնադիրներից Ադամ Ուիզերսպունը նոյեմբերի 19-ին հայց է ներկայացրել ընկերության գործող ղեկավար Բիլ Նգուենի նկատմամբ` մեղադրելով նրան ընկերության աշխատակիցներին նվաստացնելու և վախեցնելու մեջ։

Ուիզերսպունը նշել է նաև, որ Color Labs-ի գլխավոր արտադրանքը՝ Color սոցկայքը, «տապալվել» է շուկայում, և ընկերության ակտիվները վաճառվել են Apple-ին։ Հայցվորն ասել է նաև, որ Նգուենը մերժել է նրան այլ աշխատակիցների հետ միասին Apple տեղափոխվել՝ դրա փոխարեն առաջարկելով դրամական փոխհատուցում։

Ըստ TechCrunch տվյալների՝ Color Labs-ի գնումն Apple-ին արժեցել է 7 մլն դոլար։

Color սոցկայքը, որը նախատեսված է լուսանկարների, տեսահոլովակների և տեքստային հաղորդագրությունների փոխանակման համար, գործարկվել է 2011թ.։

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 20.11.2012 | Մեկնաբանություններ (0)

Apple-ը նոր սարք կստեղծի, որը կճանաչի իր օգտատերերին շնչառության և սրտի աշխատանքի միջոցով

Ամերիկյան հանրահայտ Apple ընկերությունը դիմում է ներկայացնել ԱՄՆ-ի արտոնագրերի և ապրանքանիշերի գրասենյակ՝ նոր տեխնոլոգիայի ստեղծման արտոնագիր ձեռք բերելու նպատակով, գրում է Metroco.uk-ը՝ հղում անելով Patently Apple կայքին։

Ընկերությունը մտադիր է այնպիսի հեղափոխական սարք ստեղծել, որը կկարողանա ճանաչել օգտատիրոջը դեմքով, մաշկով և նույնիսկ շնչառությամբ ու սրտի աշխատանքով։

Ըստ Patently Apple-ի տվյալների՝ նոր սարքը կգործի ջրատեղորոշիչ և ռադիոտեղորոշիչ տեխնոլոգիաների հիման վրա։ Տեղեկությունների համաձայն՝ սարքն այնքան զգայուն կլինի, որ կկարողանա սենյակում գտնվող օգտատիրոջը ճանաչել սրտի աշխատանքով, իսկ մյուս ազդակն էլ կկարողանա «որսալ» նրա շնչառությունից արտազատված ածխածնի երկօքսիդը։

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 19.11.2012 | Մեկնաբանություններ (0)

Android ստեղծողներն օրացույցում բաց են թողել դեկտեմբեր ամիսը

Android 4.2 օպերացիոն համակարգի «Կոնտակտներ» (People) հավելվածում սխալի պատճառով օրացույցում բացակայում է դեկտեմբեր ամիսը, գրում է Лента-ն՝ վկայակոչելով Android Police բլոգին։

Ծրագրում նոյեմբերին հաջորդում է հունվար ամիսը։ Այդպիսով, յուրաքանչյուր տարի բաղկացած է 11, այլ ոչ 12 ամսից։ Սխալը թույլ չի տալիս հեռախոսի գրառումների գրքույկում ավելացնել դեկտեմբերին ծնված ընկերների ծննդյան օրերը։

Միևնույն ժամանակ Android 4.2-ի «Օրացույց» հավելվածում սխալը չի երևում. տարին բաղկացած է 12 ամսից, և նոյեմբերին հաջորդում է դեկտեմբերը։

Android Police-ը նշում է, որ Android ստեղծողները գիտեն սխալի մասին։ Սպասվում է, որ մոտ ժամանակում Android 4.2 ՕՀ (օպերացիոն համակարգ) սարքեր օգտագործողներին կուղարկվի թարմացում, որը կշտկի բացթողումը։

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 19.11.2012 | Մեկնաբանություններ (0)

2017 թ. ամբողջ աշխարհում կհրաժարվեն նոթբուքերի օգտագործումից

SAP ընկերության տեղեկատվական տեխնոլոգիաների գծով տնօրեն Օլիվեր Բասմանը կանխագուշակել է, որ մոտավորապես մինչև 2017 թ. ամբողջ աշխարհում կհրաժարվեն նոթբուքերի օգտագործումից,- հաղորդում է CyberSecurity.ru կայքը:

Ընկերության նման կանխատեսման հիմքում ընկած է այն հանգամանքը, որ ապագայում ընկերություններում անընդհատ մեծանալու է շարժական աշխատակիցների թիվը, և դա անհրաժեշտ կլինի հաշվի առնել ծրագրային ապահովման նախագծման ժամանակ:

«Ես համոզված եմ, որ մոտակա 3-5 տարների ընթացքում ավանդական լեփթոփերը կդադարեն գոյություն ունենալուց»,-ասել է Բասմանը:

Դրա փոխարեն, ընկերությունը կենտրոնանալու է շարժական սարքավորումների վրա, և այդ պատճառով SAP-ն այժմ առաջարկում է առաջակցություն ավելի քան տասնյակ բջջային սարքավորումների համար, որոնց միջոցով օգատերերը կկարողանան աշխատել կորպորատիվ միջավայրում:

Ընկերության կարծիքով` ապագայի ըմբռնումններին լավագույնս կհամապատասխանի Windows 8-ը:

SAP-ը կորպորատիվ ծրագրային ապահովման և բիզնեսի կառավարման ծրագրային որոշումներ մատակարարող աշխարհի խոշորագույն ընկերություններից է:

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 17.11.2012 | Մեկնաբանություններ (0)

Anonymous-ը գրոհել է իսրայելական 87 կայք՝

Anonymous հաքերական խմբավորումն այսօր գրոհել է Իսրայելի 87 կայք` ի նշան Գազայի հատվածում այս երկրի իրականացրած ռազմական գործողությունների, հայտնում է «ԻՏԱՌ ՏԱՍՍ»-ը՝ վկայակոչելով խմբավորման տարածած հաղորդագրությանը։

Կայքերում տեղադրված հաղորդագրություններում խմբավորումն իր աջակցությունն է հայտնել պաղեստինցիներին ու ՀԱՄԱՍ շարժմանը։ Anonymous-ի ակցիան կոչվում է «OpIsrael» (Օպերացիա Իսրայել»)։

Կայքերը գրոհելու որոշումը հաջորդել է Իսրայելի կառավարության սպառնալիքներին. կառավարությունը սպառնացել էր Գազայի հատվածում արգելափակել բոլոր հեռահաղորդակցային միջոցները։

Դուր է գալիս՞, փոխանցիր ընկերներիդ`

Բաժին | Տեղ.Տեխնոլոգիաներ | Ամսաթիվ: 17.11.2012 | Մեկնաբանություններ (0)