Իրադարձություններ - Www.Armblogger.Do.Am

Եղանակը Հայաստանում`այսօր

Առաջիկա գիշեր Հայաստանի տարածքի մեծ մասում սպասվում է ձյուն, որը դեկտեմբերի 31-ի ցերեկը կշարունակվի արեւելյան շրջաններում: Առանձին վայրերում սպասվում է քամու ուժգնացում` մինչեւ 15 – 20 մ/վ արագությամբ, ճանապարհներին` մերկասառույց, տեղ-տեղ` մառախուղ:

«Հայպետհիդրոմետի» տվյալներով՝ Երեւանում առաջիկա գիշերը հնարավոր է ձյուն, տեղ-տեղ` մառախուղ, վաղը ցերեկը սպասվում է առանց տեղումների եղանակ, ճանապարհներին՝ մերկասառույց: Գիշերը մայրաքաղաքում կլինի -4-6, ցերեկը՝ -1+1 աստիճան։

Օդի ջերմաստիճանը մարզերում.

Շիրակում՝ գիշերը՝ -15-20, ցերեկը՝ -6-11,

Կոտայքում՝ գիշերը՝ -10-15, ցերեկը՝ -2-5,

Գեղարքունիքում՝ գիշերը՝-10-15, ցերեկը՝ -2-5,

Լոռիում՝ գիշերը՝ -10-15, ցերեկը՝ 0-3,

Տավուշում՝ գիշերը՝ -2-7, ցերեկը՝ 0+3,

Արագածոտնի լեռներում՝ գիշերը՝ -12-17, ցերեկը՝ -6-11,

Արագածոտնի նախալեռներում՝ գիշերը՝ -4-7 ցերեկը՝ 0-3,

Արարատում՝ գիշերը՝ -4-7, ցերեկը՝ -1+2,

Արմավիրում՝ գիշերը՝ -4-7, ցերեկը՝ -1+2,

Վայոց ձորի լեռներում՝ գիշերը՝ -10-15, ցերեկը՝ -2-5,

Վայոց ձորի նախալեռներում՝ գիշերը՝ -4-7, ցերեկը՝ -1+2,

Սյունիքի հովիտներում՝ գիշերը՝ -2-5, ցերեկը՝ 0+4,

Սյունիքի նախալեռներում՝ գիշերը՝ -7-12, ցերեկը՝ -2+1,

Լեռնային Ղարաբաղում՝ գիշերը՝ -2-5, ցերեկը՝ 0+4:

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 30.12.2012 | Մեկնաբանություններ (0)

Ֆլորա Մարտիրոսյանի վերջին հրաժեշտն՝ այսօր

ՀՀ ժողովրդական արտիստուհի Ֆլորա Մարտիրոսյանի վերջին հրաժեշտի արարողությունը կկայանա այսօր՝ ժամը 12:00-14:00-ն, Արամ Խաչատրյան համերգասրահում: Հուղարկավորությունը՝ նույն օրը Երևանի քաղաքային պանթեոնում:Ֆլորա Մարտիրոսյանի երգն ընդմիշտ կմնա հայ երգարվեստի պատմության էջերում և հանդիսատեսի հիշողության մեջ:

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 11.12.2012 | Մեկնաբանություններ (0)

''Gangnam Style''-ի կատարողը ներողություն է խնդրել

''Gangnam Style'' հայտնի երգի կատարող ռեփեր PSY-ը ներողություն է խնդրել` ամերիկացիներին սպանելու կոչերի համար: Երգիչն այսպիսի հայտարարություն է արել համերգից առաջ, որին պետք է ներկա լիներ նաև ԱՄՆ նախագահ Բարաք Օբաման:''Ես միշտ կզղջամ այն խոսքերի համար, որոնք որևէ մեկին կարող էին ցավ պատճառել'',- ասել է ռեփերը` լրագրողներին: Նա բացատրել է, որ այդպիսի կոչ անելով` իր բողոքն է արտահայտել Հարավային Կորեայում տեղի ունեցած դժբախտ դեպքի համար, երբ ամերիկյան հրետանին վրաերթի էր ենթարկել երկու դեռահաս աղջկա:

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 09.12.2012 | Մեկնաբանություններ (0)

Երկրաշարժ է գրանցվել

ՀՀ ԱԻՆ սեյսմիկ պաշտպանությանծառայությունը տեղեկացնում է, որ դեկտեմբերի 9-ին, տեղական ժամանակով 01.09-ին ՍՊԾ-իսեյսմոլոգիական ցանցի կողմից գրանցվել է 2.6մագնիտուդով երկրաշարժ, որի էպիկենտրոնըգտնվում է Հայաստան-Նախիջևան սահմանայինգոտում` Վեդի քաղաքից 24 կմ դեպիհարավ-արևելք:

Էպիկենտրոնի աշխարհագրական կոորդինատներն են` հյուսիսային լայնություն 39.83˚ և արևմտյան երկայնություն 45.00˚:

Երկրաշարժի հիպոկենտրոնը գտնվում է 10 կմխորության վրա:

Ուժգնությունը էպիկենտրոնային գոտում կազմել է 3 բալ.

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 09.12.2012 | Մեկնաբանություններ (0)

Վթարի է ենթարկվել «Բանակում» սերիալի Սևակի դերակատարը

Վթարի է ենթարկվել «Շանթ» հեռուստաընկերության սերիալներում խաղացող դերասաններից մեկը` 24-ամյա Գուրգեն Մելքումյանը: Իրար են բախվել «Մերսեդես» և «Կիա» մակնիշի ավտոմեքենաները: Վթարի հետեւանքով «Կիա»-ի վարորդը եւ նրա ուղեւորները տեղափոխվել են հիվանդանոցներ: «Կիայի» ուղեւորներից մեկն էլ 24-ամյա Գուրգեն Մելքումյանն է, ով այժմ նկարահանվում է «Շանթի» «Մաեստրո» սերիալում` որպես Նուռի դերակատար: Նա «Բանակում» սերիալի Սեւակի դերակատարն էր: Երիտասարդը ավարտել է Թատերական ինստիտուտը, ամուսնացած չէ: Գուրգեն Մելքումյանը գտնվում է Վերակենդանացման բաժանմունքում, բժիշկները նրա վիճակը գնահատել են միջին ծանրության:

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 09.12.2012 | Մեկնաբանություններ (0)

Toyota GT86-ը ճանաչվել է 2012թ. լավագույն մեքենա

Մեքենաշինության ոլորտում մեծ հեղինակություն վայելող The Top Gear awards մրցանակաբաշխության շրջանակներում հայտնի է դարձել ընթացիկ տարվա լավագույն մեքենան, որը Toyota GT86-ն է, գրում է Daily News-ը։

Բացի «Տարվա լավագույն մեքենա» կոչմանն արժանանալուց, այն նաև հաղթել է «Տարվա լավագույն կուպե» անվանակարգում։ Մնացած անվանակարգերում հաղթել են Ferrari-ն, Ford-ը, Fiat-ը և Volkswagen-ը։

Ferrari-ի F12 Berlinetta-ն ճանաչվել է «Տարվա լավագույն սուպերքար», Ford Focus ST-ը՝ «Տարվա լավագույն հեթչբեք», Fiat Panda 4x4-ը՝ «Տարվա լավագույն արտաճանապարհային մեքենա», իսկ Volkswagen-ի վերջին սերնդի Golf-ը հաղթող է ճանաչվել բաղձալի «Մեքենա ամեն ինչի համար» անվանակարգում։

The Top Gear awards-ը հաղթողներին որոշել է ոլորտի հանրահայտ փորձագետների և լրագրողների կարծիքի հիման վրա։ Նրանց կազմակերպած թեստ- դրայվերը շատ ավելի խստապահանջ է եղել՝ ի տարբերություն նմանատիպ այլ մրցանակաբաշխաությունների շրջանակներում կազմակերպվող թեստ- դրայվերի։

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 07.12.2012 | Մեկնաբանություններ (0)

Իտալիայի նախագահը կվառի աշխարհի ամենամեծ տոնածառի լույսերը

Իտալիայի նախագահ Ջորջիո Նապոլիտանոն պատրաստվում է վառել աշխարհի ամենամեծ տոնածառի լուսերը։ Ինչպես նշում է Italia-ru.com կայքը, տոնածառը գտնվում է Ումբրիա շրջանի Գուբիո քաղաքում։ Դրա բարձրությունը 650 մ է, իսկ լայնությունը՝ 350 մ, և այն արդեն գրանցվել է Գինեսի ռեկորդների գրքում։

Տոնածառը գտնվում է Ինջինո լեռան ստորոտին և պատրաստվել է տարբեր տարիքի կամավորականների օգնությամբ։ Իրականում աշխարհի ամենամեծ ամանորյա «գեղեցկուհին» գույնզգույն լամպերից, լույսերից ու պողպատից պատրաստված տոնածառի ուրվագիծ է ներկայացնում։

Երկրի նախագահը հանդիսավոր կերպով կվառի լույսերը՝ դուրս չգալով իր նստավայրից։ Այդ նպատակով նրան կտրամադրեն հատուկ պլանշետ, որի միջոցով նա ուղիղ կապ կհաստատի Գուբիոյի հետ և կվառի լույսերը։ Հսկայական տոնածառը լուսավորված կլինի մինչև հունվարի 7-ը։

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 06.12.2012 | Մեկնաբանություններ (0)

Բեն Լադենի մասին ֆիլմը ճանաչվել է լավագույնը

Ամերիկացի ռեժիսոր Քեթրին Բիգելոուի` ''Թիվ 1 նպատակ'' ֆիլմը (Zero Dark Thirty) ճանաչվել է անցնող տարվա լավագույն ֆիլմ` ըստ ԱՄՆ կինոքննադատների ազգային խորհրդի: Ֆիլմը հիմնված է իրական փաստերի վրա և պատմում է թիվ 1 ահաբեկիչ Ուսամա Բեն Լադենի մասին,- հայտնում է Washington Post-ը:

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 06.12.2012 | Մեկնաբանություններ (0)

BlackBerry սմարթֆոնը պայթել է դեռահասի անկողնում

Բրիտանացի դեռահասների շրջանում տարածված BlackBerry Curve 9320 սմարթֆոնը պայթել է 11-ամյա տղայի անկողնում: Երեխան այրվածքներ է ստացել:

«Ես հեռախոսը դրել էին Կիանի մահճակալին, քանի որ այն դռանը մոտ էր: Ինձ համար մի բաժակ թեյ պատրաստեցի, սակայն հանկարծ շատ բարձր ձայն լսեցի: Կիանն սկսեց գոռալ: Նրա ոտքերն այրվում էին», - պատմել է տուժած երեխայի մայրը, հաղորդում է gazeta.ru-ն:

The Daily Mail-ը հայտնում է, որ տղայի հայրը տեսահանդիպում է անցկացրել Կանադայում հաստատված սմարթֆոնի արտադրող ընկերության ղեկավարության հետ: Ընկերության ներկայացուցիչները եկել են սարքը զննելու: Ընկերությունում նշել են, որ դա նման առաջին դեպքն է:

Ըստ վերջին վարկանիշներից մեկի՝ BlackBerry-ի այդ մոդելը Մեծ Բրիտանիայի ամենահայտնի սմարթֆոնների ցանկում վեցերորդն է եղել, հաղորդում է vesti FM ռադիոն:

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 06.12.2012 | Մեկնաբանություններ (0)

Ֆլորա Մարտիրոսյանի աճյունը դեռ չեն հանձնել հարազատներին

Նոյեմբերի 20-ին ԱՄՆ-ում մահացած երգչուհի Ֆլորա Մարտիրոսյանի աճյունը դեռեւս չեն հանձնել հարազատներին: Այս մասին NEWS.am-ի թղթակցի հետ զրույցում ասաց Ֆլորա Մարտիրոսյանի բարեկամ, երգչուհի Քրիստինե Պեպելյանը:

«Դատաբժշկական փորձաքննության ընթացքը երկարեց` կապված դեպքի հետ: Երիտասարդ կին, վիրահատությունից հետո բարդություններ, առողջության վատթարացում եւ այլն, դա էր պատճառը, որ երկարեց այս պրոցեսը: Գործողություններ են, որ պետք է արվի մահվան պատճառը պարզելու համար»,- ասաց նա:

Երգչուհին նշեց, որ դատաբժշկական փորձաքննության ընթացքի մասին հարազատները տեղյակ չեն, դեռ ոչ մի փաստաթուղթ նրանց չեն փոխանցել: Բժիշկների դեմ դատական գործընթաց սկսելու մասին խոսք կարող է լինել միայն հայտնի երգչուհու հոգեհանգստի, հուղարկավորության արարողությունից հետո:

Ենթադրվում է, որ աճյունը հազատներին կհանձնեն հաջորդ շաբաթ: Դրանից հետո Լոս Անջելեսում կկայանա Ֆլորա Մարտիրոսյանի հոգեհանգստի արարողությունը, ապա դին կտեղափովի Հայաստան: Հայաստան բերվելուց հետո կլինի հրաժեշտի օր Արամ Խաչատրյան համերգասրահում, այնուհետեւ կտանեն եկեղեցի եւ հուղարկավորեն: Քրիստինե Պեպելյանը օրերս կմեկնի ԱՄՆ, որի ժամանակ կմասնակցի նաեւ հոգեհանգստի արարաղությանը: Երգչուհին տեղեկացրեց նաեւ, որ շարունակում է վատ մնալ Ֆլորա Մարտիրոսյանի ամուսնու` Հրահատ Գեւորգյանի առողջական վիճակը, գրում է news.am:

Հիշեցենք, որ Հայաստանի ժողովրդական արտիստուհի, հայտնի երգչուհի Ֆլորա Մարտիրոսյանը մահացել է նոյեմբերի 20-ին, ԱՄՆ-ում։ Նա 55 տարեկան էր:

Դուր է գալիս՞, փոխանցիր ընկերներիդ`

Բաժին | Իրադարձություններ | Ամսաթիվ: 02.12.2012 | Մեկնաբանություններ (0)