Լա լիգայի 26-րդ տուրի շրջանակներում Մադրիդի «Ռեալը» սեփական հարկի տակ ընդունել էր «Բարսելոնային»: Հանդիպման արդեն 6-րդ րոպեին «արքայական» ակումբը առաջ անցավ հաշվի մեջ. Ալվարո Մորատայի փոխանցումից հետո աջ ոտքի հարվածով հաշիվը բացեց ֆրանսիացի Կարիմ Բենզեման: Հանդիպման 18-րդ րոպեին «կապտանռնագույնների» առաջատար Լեո Մեսսին հավասարեցրեց հաշիվը՝ 1-1: Հանդիպման հիմնական ժամանակի ավարտից 8 րոպե առաջ մադրիդյան ակումբի պաշտպան Սերխիո Ռամոսը անկյունայինից ստացած փոխանցումից հետո գլխի հարվածով առաջ մղեց իր թիմին:
Այս հանդիպումից հետո «Ռեալը» վաստակում է 55 միավոր և ընդհուպ մոտենում է երկրորդ հորիզոնականում գտնվող Մադրիդի «Ատլետիկոյին»:
